勁揪俠2 2013

勁揪俠（艾倫莊遜）表面係街頭英雄，實質係個傻仔宅男。90後畢業在即，r 爆頭都諗唔好有乜好路數，於是把心一橫，自己創番事業，組識A貨正義大聯盟，仲搵埋拍檔­紫天椒（嘉兒莫蕊茲）拍住上。可惜好景不常，紫天椒被逼回到學校讀書，名副其實光榮引退。無奈拆夥的勁揪俠，加入 Justice Forever，與改邪歸正的 Colonel Stars And Stripes（占基利）為伍，開展英雄之路的新一頁。

正當勁揪俠以為一切重新出發時，邪惡有錢仔赤霧（基斯杜化曼茲比薩）化身 The MotherFxxker 捲土重來，密謀為父報仇，正式向勁揪俠宣戰，更與 Justice Forever 全員為敵！正所謂「出得黎行，預左要還」，一正一邪，亦難逃決一死戰的終極命運﹗到底紫天椒會否為老友再度出山，定係心甘情願做個平凡人，自此金盤洗手？今年暑假，英雄全面回歸，繼續拳拳到肉，下下「爆缸」，小心打爆你個「頭」！